Imtiyoz belgilari — rasmlari va izohlari
Imtiyoz belgilari — O'zbekiston Respublikasi yo'l harakati qoidalaridagi belgilar guruhlaridan biri. Quyida har bir belgining raqami, rasmi va ma'nosi berilgan.
Belgilarni bilish nazariy imtihon uchun zarur: deyarli har bir biletda yo'l belgilari bo'yicha savol bor.
2.1 Asosiy yo‘lHarakat tartibga solinmagan chorrahalarda oldin o‘tish huquqini beradi. Belgi asosiy yo‘l boshiga va chorrahalarning bevosita oldiga o‘rnatiladi.
2.2 Asosiy yo‘lning oxiriAsosiy yo‘lning tugaganligini va oldinda imtiyoz o‘zgarganligini bildiradi.
2.3.1 Ikkinchi darajali yo‘l bilan kesishuvAsosiy yo‘lda harakatlanayotgan haydovchini oldinda ikkinchi darajali yo‘l bilan kesishuv borligi haqida ogohlantiradi. Aholi punktlarida kesishmagacha 50 — 100 metr masofada, aholi punktlaridan tashqarida esa 150 — 300 metr masofada o‘rnatiladi.
2.3.2 Ikkinchi darajali yo‘l bilan tutashuv (o‘ngdan)O‘ng tomondan ikkinchi darajali yo‘l tutashishini bildiradi. Aholi punktlarida kesishmagacha 50 — 100 metr masofada, aholi punktlaridan tashqarida esa 150 — 300 metr masofada o‘rnatiladi.
2.3.3 Ikkinchi darajali yo‘l bilan tutashuv (chapdan)Chap tomondan ikkinchi darajali yo‘l tutashishini bildiradi. Aholi punktlarida kesishmagacha 50 — 100 metr masofada, aholi punktlaridan tashqarida esa 150 — 300 metr masofada o‘rnatiladi.
2.4 Yo‘l bering!Haydovchi kesib o‘tilayotgan yo‘ldan, 7.13 qo‘shimcha-axborot belgisi bo‘lganda esa asosiy yo‘dan harakatlanayotgan transport vositasiga yo‘l berishi kerak.
2.5 To‘xtamasdan harakatlanish taqiqlanganTo‘xtash chizig‘i oldida, agar u bo‘lmasa, kesib o‘tiladigan qatnov qismining chetida to‘xtamasdan harakatlanish taqiqlanadi. Haydovchi kesib o‘tilayotgan yo‘ldan, 7.13 qo‘shimcha-axborot belgisi bo‘lganda esa asosiy yo‘ldan harakatlanayotgan transport vositalariga yo‘l berishi kerak. Bu belgi temir yo‘l kesishmasi yoki karantin maskanidan oldin o‘rnatilishi mumkin.
2.6 Ro‘para harakatlanishning ustunligiQarama-qarshi harakatlanishni qiyinlashtiradigan hollarda yo‘lning tor qismiga kirish taqiqlanadi. Haydovchi yo‘lning tor qismida bo‘lgan yoki ro‘paradan unga yaqin bo‘lgan transport vositasiga yo‘l berishi kerak.
2.7 Ro‘paradagi harakatlanishga nisbatan imtiyozYo‘lning tor qismida harakatlanishda haydovchi ro‘paradan kelayotgan transport vositasiga nisbatan imtiyozga egaligini bildiradi.